सत्ति / बालबालिकाको आवाजलाई सशक्त रुपमा उजागर गर्न सराेकारवालाहरुसँग शनिबार छलफल भएको छ ।
विकासका लागि युवा एक्यवद्धता “यार्ड” नामक संस्थाले आयोजना गरेको कार्यक्रममा बालबालिकाका मुद्दाहरुमा पैरवीका लागि साे छलफल कार्यक्रम गरिएको हो ।
यार्ड नेपालका हातेमालो परियोजना कार्यक्रम संयोजक पिताम्बर पौडेलले सन २०२६ देखि २०३० सम्मको रणनीतिक योजना तयार पारेर बालबालिकामा हुने हिंसा,शिक्षाको पहुँचमा बालबालिकालाई पुर्याउने आधार र आर्थिक अवस्थाको कारण कुपोषणमा परेका बालबालिलाई सहयोग गर्दै चरणबद्ध रुपमा काम सुरु भएको बताए ।
टीकापुर, भजनी घोडाघोडी, गौरिगंगा नगरपालिका र कैलारी गाउँपालिकाका २४ वटा वडामा परियोजनाले बाल अधिकारको क्षेत्रमा काम गर्दै आएको परियोजना संयोजक पाैडेलले बताए । छलफलमा बालबालिकामा अध्ययन गर्ने बानी कम्जोर बन्दै गएको , कुलतमा फस्ने गरेको छलफलमा सहभागीले बताएका थिए ।
कार्यक्रममा सहभागी टीकापुर नगरपालिका वडा नं. ७ का वडा अध्यक्ष यज्ञ न्यौपानेले बालबालिकाहरुमा पढाई गर्नुपर्छ बन्ने बानीको विकास गराउनुपर्नेमा जाेड दिएका थिए भने वडा नं. ८ का वडा अध्यक्ष दीर्घ ठकुल्लाले अभिभावकमा आफ्नो लागि सबैभन्दा ठूलो सम्पत्ति आफ्ना बालबालिका हुन भन्ने सोचको विकास गर्नुपर्ने बताएका थिए ।
कार्यक्रममा सहभागीहरुले विद्यालय नजिकै सुर्तीजन्य पदार्थ र मदिरा खुलेआम बिक्रीवितरण हुने कार्यमा स्थानीय निकायले बताएका थिए ।
समाचार 
